Piasan Donya

peudeeng zul fakha kanibak Ali
Kham kham hai akhi Umar yang baba
khalid bin walid ceubeh han sakri
habeh dituri ban sigom donya

teuma zamennyo jino loun rawi
rame pancuri ka dimeudoda
habeh peng rakyat dalam komisi
handipaduli rakyat jeulata

ramee dum ureung kadisadari
padum na iri ureung lamdonya
kaom yang faki lagi meusekin
jino meukuwin hana beulanja

jatah dirumoh korban Tsunami
kadiba dek ie rimoung lamdonya
yang na meutajo rungkom habisi
rame pancuri careng lagoina

Allahu Allah Yang Maha Takdi
tulong Poe Rabbi Kamoe lam donya
cukop brat zalem ureung komisi
keurakyat fakir hana soe kira

meunyeu na Umar ka dengan Ali
tentee pancuri habeh u beuna
peudeng kham kham Zulfikar Ali
gadeh pancuri peurusak donya..