Hukom Donya

syariat islam kana di aceh
jino kadiweh di ming kuala
muda ngen mudi dijak meureh-reh
kadipeuremeh hukom agama

teukem meu heh-heh muda ngen mudi
keu po Rabbi hana dikira
asai ka seupot bak bineh pasi
dideng meureti jak cuci mata

jembatab beurawe tempat rekreasi
tanging meureti di aneuk dara
bineh krung aceh kasaban hari
hana meukiri-kri takalen nyata

azan meugreb meu alon alon
hana cit meupon senja kateka
dua tempatnyan meu arong-arong
sayang tat untong takalen nyata

meu lee-lee asa uroe kadilob
tanda kasepot pujo rabbana
sayang di adun kadengan adoe
hana cit diwo lezat ngen donya

beutoi tat lagu bang Yusbi yusuf
nanggroe tasauf jino binasa
akhlak ka hanco moral bit rusak
pakriban tagalak peudeng agama

teuman di itek diwo pih bagah
hana dibantah uroe kasenja
sayang manusia hana ditatah
sayang silepah tanyo syedara

meubek na beungeh hai hamba Allah
uloun meukisah atra yang nyata
kanyem uloun nging ngen mata babah
meunan keh kisah oh wate senja